الصفحة الرئيسية › ثقافة

ثقافة إليك محمّد البراهمي... بقلم المسرحي نورالدين الورغي

بقلم المسرحي نورالدين الورغي
...............................
عالبراهمي سنين
تــعَــدّو
يولّـــوش قرون
الرجال يعِـــدّو..

الرّفيقة صامدة
والرفاق ما فَــدّو
عازمين واقفين
للخـيّـان يـصُــدّو..

لا حَــسّو حرّ الشموس
لا صهَـدْهم ثلج الليالي
لا خافو رصاص الغدر
لا وخّـرو بالتوالي..

لا هابـو مَكْـر الزّنوس
باعو النفيس والغالي
تونسي مـعَـنْـقـر الكبّوس
تونسية الرّاس في العلالي..

عروق البلاد مرويّة
بدم البراهمي 
بلعيد
والجنود مسـقـيّـة
تـتْــلـفّ مـثـيل السلاسل
عالعفريت والحيّة
تكويهم بالنيران 
كَــيّة بعد الكَــيّة..